Таптыыбын оһуордаах ыйдаҥа... (Арбита)

Таптыыбын оһуордаах ыйдаҥа Тыла суох имэҥнээх ырыатын Сулустан сулуска кыйданар Сүрэҕим дьиктилээх ыратын.

Таптыыбын тумарык туманы Тылбынан курдаттыы сүүрэрбин Чынайар чыпчаалга тураммын Чэпчэки кынаппын тиирэрбин.

Оһуордаах ыйдаҥа сырдыгар Сир-халлаан сибээһин көрөбүн, Сирдээҕи тапталбыт кырдьыга Күндэлэс күлүктэн көбөрүн.

Оһуордаах ыйдаҥа сырдыгар Соһуччу көстүбүт кистэлэҥ Дарбааннаах сырыыны сылдьыыга Чахчылаах эрэлгэ суол тэлэр.

Иван Арбита