Ардыгар                               
                          

Уоран көрүөхпүн саныыбын

Дьылҕа Хааным кинигэтин,

Кистээн уурунан сылдьарын

Хара харахтаах билбэтин.

       Билиэм этэ оччоҕуна
       Тугу анаан суруйбутун,
       Саҥа күнүм тыктаҕына
       Онно хайдах олоруохпун,

Олоҕум уларыйыытын,

Түһүүлэрин-тахсыыларын,

Араас күүтэр үөрүүлэрин,

Хотторуубун,ситиһиибин.

       Онон барытын билэммин
       Олоруом бэлэмнэнэммин,
       Сатанарын талынаммын-
  
       Үрүҥүнэн сурулларын.

Табыллыбатын тумнаммын

Олоруоҕум диэн саныырбын,

Ыйыллыбыт ыйаахпыттан

Төлөрүйбэт аналлаахпын.

         Билэн сылдьар буортулааҕын,
         Дьон санатар- куһаҕанын,
         Суруллубут суоруллубатын,
         Букатын уларыйбатын.

Оччоҕуна көрөр баҕам

Сүтэн хаалар,ааһар ханнан,

Олордоҕум аналбынан,

Бэйэм тустаах ыйаахпынан.

                           06.12.13.