Байанай алгыhа (Өксөкүлээх Өлөксөй)

Кыһыл саһыл кыалыктаах,
Хара саһыл хаппардаах,
Быалаах кэрэмэс кымньыылаах,
Ойдоох буурай оонньуулаах,

Бардам тутуу,

Барылы кэскил,

Баай барыылаах

Тойон эһэм!

Истэ сэргэђэлээ,

Көрө бүдүүлээ.

Баай хара тыа бала5аннаах,
Бараахы Сүүрүк,

Курум хара тыа дурдалаах,

Куоппуту күөйээччи

Курађаччы Сүүрүк,

Кураахтаах саалаах,
Куоһарыылаах кустуктаах
Куралай Бэргэн,

Кылыыга ыгааччы,

Тый хара аттаах

Тыңырахаан Быһый,

Догдоон хара тыа дурдалаах,
Тоңууга тохтотооччу
Туолдьут Бэргэн,

Кылыыга ыгааччы,

Тый хара аттаах

Тыңырахаан Быһый,

Догдоон хара тыа дурдалаах,
Тоңууга тохтотооччу
Туолдьут Бэргэн,

Элимтэђэй таба аттаах,

Элиэђэ эргитээччи

Элик Бэргэн,

Айаас таба аттаах,
Айађа ађалааччы
Алып Самнађай,
Күөскэ күңэйээччи,

Күөкэй Боллох,

Тойон убайдарым!

Истэ билгэлээң,

Иһиллии чинчилээң!

Эргинэ хара тыа
Эђэһэтин тэрийэр,

Догдоон хара тыа

Тоңуутун торутар,

Арыы хара тыа
Айатын аңаабыллыыр
Алгыстаах күннэрим тађыстылар!

Тођус кыл уунуутунан уурар,

Сэттэ кыл чтккэйиитинэн кэбиһэр

Кэскиллээх кэмнэрим кэллилэр.

Баай Барыылаах тойон эһэм!

"Эһээ" диэтэхпинэ

"Эһээ" диир курдук буоларың!

Тус бэйэң туһааннаах
Дођор кынан туһалаа:
Уурбуттаах буолларгын уларытыма,
Анаабыттаах буолларгын аралдьытыма.

Мурун анныттан

Булта булан кулу,

Атах анныттан
Алта айан кулу!

Кыйаар кыйааргыттан кыйдаан,

Үрэх үрэххиттэн уурэн,

Дайђа дайђађыттан таарытан

Элиэбэр эргит,

Тоңуубар торут,

Сыһыаммар сыһыаммар сыһыарт!

Хатараабыт хайгыаны хааннаа,
Көй боллох сэксэни көрүлэт,
Омуннаах уоттах отууга улайдат!

Адаар муостааххыттан,

Атырдьах атахтааххыттан амсат!

Бодоңноох тобуктааххыттан,
Буомнаах сүhүөххүттэн бултат!

Сымнађас сыалаахыттан,

Сылаас тыыннаахыттан сымсаттар!

Ардай анађастааххыттан,
Адьырђа кыылгыттан айан-кэрдэн кулу!

Кулу-хара кыдааннаахыттан,

Күндү-үтүө түүлээхиттэн

Күөйэ-көрсө көтөн кулу!

Алаас сыhыы сађа
Арађас танылђаны таттым,

Чөңөрө чүөпэ сађа

Сөң сөгөлөөнү ођустум,

Кэтит сэксэни тэрийдим!

Аал уотунан айахтаан

Аhатан эрэбин!

Күөх уотунан күөмэйдээн

Күндүлээн эрэбин!

Ађам анах

Ардахтаах арыыта,

Туңуй анах
Тордохтоох тунађы!

Бүрү-бүттүүн, бары-баччыын

Аhаан сырђаан туруң эрэ,

Тойон эhэлэриэм!!!

"ha!.. ha!.. ha.."(кулэр)

Улуу үрэхтэр иччилэрэ
Хотун эбэлэрим!

Үккүрүүр үрүйэргит,

Тыкырыыр тымырдаргыт,

Саккырыыр салааларгыт,

Сэттэ уон сискэл систэргит,
Ађыс уон адаар арыыларгыт,
Тођус уон туорай тумулларгыт,

Дьүүлэ-дьүhүнэ суох түбэлэргит,

Холобура-холооно суох куруңнаргыт,

Аата-ахсаана суох аабылааннаргыт

бастарыттан

Айа-кэрдэ, ыыта-кыйдыы олоруң!..

Сэттэ дьэрэкээн хайа,

Ађыс мас хайа,

Тођус турук хайа иччилэрэ!

От аннынан обугунаспыт уолаттар,
Кырыс аннынан сыбдырыспыт уолаттар,
Сэбирдэх аннынан сибигинэспит сиэттэр,

Бары аhаан-сыр5аан туруң!..

Эђэhэ айађар олорооччу
Нэк бэргэhэлээх
Баттах Сарын Уол убайым!
Кэнтик төрдүгэр кэтэhээччи
Кыртас хайа сађа сырайдаах
Маңан Чаңый эдьиийим!

Баллайах ойуун кыыhа

Таhын Курбай саңаhым!

Сырбайар-сырыыргыыр,
Хагыстыыр-хааччахтыыр,
Буомнуур-буомчалыыр буолаайађытый!

Аал уотунан айахтаатым,

Күөх уотунан күөмэйдээтим,

Аhаан-сырђаан туруң!..

Төлкөлөөх түөнэ, мађан түөрээх!
Тэхтиргэ тэптэрэр,
Очурга ођустарар буолаайађыный!Туску-уо!..
Сүрүн сирэйгэ