Кии сыта


Сааскы сөрүүн салгыҥҥа
Уу-хаар тахсан эрдэҕинэ,
Саха ыалын таһынан
Уһун суол устун
Айаннаан аҥаарытан,
Ааһан испитим.
Хатыҥ тумул иһиттэн,
Хахыйахтары быыһынан,
Ыарҕа талахтары үрдүнэн,
Ыал түптэтин буруота
Тунааран киирэн,
Турар.
Ибир-сабыр тыаллаах,
Ичигэс салгыҥҥа
Кии сыта
Киһи сүрэҕин=быарын
Хаба ортотунан
Халыйан киирэр...
Иитиллибит
Ийэ киин дойдум
Сымнаҕас, сылаас,
Сыламнатар сыта-сымара
Испэр-быарбар
Таайан киирэрин
Таптыыбын эбээт, атастаар!



Күндэ сирэйгэ төнүн