( үс мүнүүтэлээх экспромт)
Өксөкү санаа үҥүүтүн
Өрө тутан
Өндөл халлаан уоругар
Кырса маҥан хараабынан
Көтөн тахсыбыккын
Кэтээбиппит биһиги.
Кэтээбиппит
Күөрэгэй ыллыыр
Күөх нэлэмэн аллааһыгар,
Кыталык үҥкүүлүүр
Кыыс кэрэ кырдалыгар.
Биһи сүрэхпит
Этиллибэт дьикти кистэлэҥэ
Иһиллэр этэ
Иһирик ойуурбут
Сэмэй сипсиэригэр.
Эн тиийэ сырыттыҥ
Киһи санаатын
Күүһүн-күдэҕин кынаттанан
Эр санаа өрөгөй чыпчаалыгар —
Аан дойду улаҕатыгар,
Сир ийэ эҥсилгэнэ
Дуорааннанан иһиллэр,
Дойдулар доҕордоһор тоҕойдоругар.
