Күтүөт сириллиитэ (Слепцов Анатолий Игнатьевич)

Биир ардахтаах сайын, халлаан халлыбыт былдьаһык кэмигэр, Дайылла оттуур сиригэр алҕас эрдэлээн кэлэн хаалбыт. Эмээхсининээн кыыһыр-сыбыта дуу, кур сылдьар мэйии булкуйбута дуу? Ону ким билиэ баарай?.. Отуутугар кэлбиччэ хайыай - хотуурун ылан ходуһатыгар тахсыбыт, халлаан сөрүүнүгэр, өй-санаа чэлчэкитигэр син хамсаммыт. Арай күн үрдээн, куйааһыран истэҕин аайы хотуур улам сыппаан, от хаптайан биэрэргэ дылы буолбут. Өлөттөрөн Дайылла төбөтүн да уйбат буолан барбыт, инньэ гынан, өһөс санаатыгар тиниктэһэ сатаан баран, отууга тахсан күлүккэ сыппыт, төһө өр сыппыта биллибэт, оя эрэн, уу иһээри турбутугар, отуутун кулүгэ уһаа-быт этэ... Солууртан уу баһан омурдуох буолан эрдэҕинэ эмискэ алаас үрдүнээҕи сыырга мае-сыына сигнала бэбээрбит, Дайылла соһуйан хомуоһун ыһыкта сыспыт. Хайыһан көрбүтэ ыалла-рын уола Бүөккэ «УАЗ-ик» аттыгар чарапчылз-нан турар эбит. «Дайылла! Эйиигин ыпа кэллим, түргэнник дьиэлиэҥ үһү!» — диэн хаһыытаабьгг Бүөккэ. Дайылла уутун үрдүгэр кутан баран: «Туох буолла ол айылаах? Киһи дьэ уутугар-хаарыгар киирэн үлэлээн эрдэҕинэ аралдьытаҕыт!» — диэн кыыһырбыт. Бүөккэ кураанах алааһы эргиччи көрөн Дайылла үлэтин түмүгүн була са-таабыт да ытыс саҕа охсуллубут сиртэн атыны көрбөтөх: «Эдьиийим Настя күтүөт аҕалбыт, мантан киэһэ көрсүһүү оҥорор буоллубут. Онно ыҥыраллар эйиигин».

Дайылла алааһын диэки хайыһан уҥа-хаҥас көрбүт. Эмиэ да «абырахтанар» баҕа баһаам... Эмиэ да үлэ үөтэлээбэтэҕэ сүрдээх... Эмискэ Дайылла кыһын Маҥааччыйата аччыктаабыт харахтарын санаан кэлбит уонна уол диэки хайы-һан: «Суох! Барбаппын! Бу үлүгэр былдьаһык кэмкэ, үлэ күөстүү оргуйа турдаҕына, туох аан-ньа киһи таҕылын ханнара сири-дойдуну кэрийбит үһү!» — диэбит уонна эрчимнээхтик ходуһатын диэки хаама турбут.

Дьэ, күтүөт дьылҕата быһаарылыннаҕа ол... Бүөккэ бэйэтин дьонугар Дайылла тылын тиэртэҕэ дии, ону дьоно: «Кырдьык даҕаны, эмиэ да сөпкө эппит ээ, ыалбыт барахсан», — дэспиттэр. Көрсүһүү буолбут, сыбаайба тэриллибит эрээри, күтүөтү истэригэр киллэрбэккэ тэйитэн кэбиспиттэрэ үһү...