Мин эйиигин көрө иликпин (В. Потапова)

Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]

Мин эйиигин көрө иликпин,
Ол эрэн өрүү күүтэбин.
Мин эйиигин көрө иликпин,
Ол эрэн эмиэ көрбүт курдукпун.

Бу баардыы билэбин
Тыалы утары сүүрэн иһэргин,
Ситэ сатыыр быһыылааххын
Дохсуҥ баҕан айанын.
Баҕардар, ардах курулаатын,
Баҕардар, буурҕа ыйылаатын —
Мин үйэм тухары уруйдуоҕум
Эйиигин миэхэ тиэрдэр суолгун.

Мин үйэм тухары алгыыбын
Ол үүнүөхтээх кэрэ түгэни,
Иккис күн кэриэтэ сылаастык
Мин хоспун өҥөйүөхтээх кэмҥин.

Мин үйэм тухары кэһии мунньабын —
Кэнэн дууһам килбик музыкатын —
Эппэтэх тылларым эрэйин
Эйиэхэ эрэ сүктэрэр эрэлбин...