Мин - Уһук Хоту дойдубун... (Варвара Потапова)

Мин дойдум - Сахам сирэ диэммин... (В. Потапова) Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]
Түннүккэ түспүт ойуу... (В. Потапова)




Мин - Уһук Хоту дойдубун.
Yтүмэн үйэлэр усталарыгар
Мин уор хааным тоҥон турбута -
Yрдүк Таҥара ыйааҕынан...
Атаҕастабылтан,
Баттабылтан -
Хаар саабанынан
             кубарыйарым,
Хара түүнүнэн санньыйарым...
Кырбаммыт киһи хараҕынан
Кынчыаттыыра миигин саһарҕа.
Мин илиилэрим -
Хатан эрэр титириктэрим,
Көмүскэбили көрдүүллэрэ -
Yөһээ халлаан
Yрүҥ Айыы Тойонуттан...
Арай,
Миигин истиэх,
            иэстэһиэх,
Ким да суоҕа,
Ол эрэн,
"Эн эрэн,
Мин Уһук Хоту дойдум!" -
Диэбиттии,
Мичээрдиирэ
Дьүкээбил миэхэ дьиримнии...
...Ол түүннэр
Yргэн куоппуттара
"Авора" тэргэнин
Ньиргиэриттэн...