Оттоку олук алгыhа

Аныгылыы албастаах сахха
Айхалы тардыhан
Ал5аата5ым буоллун,
Саңа ыччаппын.

Субу кубул5аттаах уйэ5э

Уруйу тосхойон

Туойда5ым буоллун,
О5олоох-до5орбор!
Түскэ сүбэлиибин
Томторго соргулуубун!
Нуучча ньургунун кытта
Туруулаhар до5ор буол,
Саха талыытын кытта
Самдайдаhар буол.
Үрдук үөрэхтээхтэри кытта
Өйөнсөн үөскээ,
Бэрт мэйиилээхтэри кытта
Тэңнэhэн сэргэстэс.
Албастаах санаалаах
Алыс хаайбатын,
Кубул5аттаах толкуйдаах
Олус хотуппатын.
Омук одурууннаа5ыттан
Охтон биэримэ,
Татаар тыллаахха
Таба ньаңсатыма!
Көй-көмус ордууну
Көңүлүнэн үөдүт,
Ииримэ-көмүс дьиэни
Иилээ-са5алаан тэнит!
Сыhыы-сыhыы муңунан
Сыспа сиэллээ5и
Сытаан сырыыр5ат,
Хотон-хотон муңунан
Хоно5ор муостаа5ы
Хотон холбооттоо!
Күүстээх үрэх
Күрүлгэнин курдук
Күдэн баайдан,
Халаан уута
Хал5аhатын курдук
Халыан харчылан!
Үрэх-үрэх баhын
Үмүрүтэ тардар
Үлүскэнннээх үптэн,
Тай5а-тай5а баhын
Тайаммахтаан ааhар
Талааннаах сырыылан.
Элбэх-элбэх сири
Эргийэ сүүрэр
Эңсиллээх кэпсэтиилэн!
Уобалас тохору
Ордук санатар
Улахан суолталан,
Бар дьоңңор
Баттанар күнүгэр,
Баара5ай ба5ана буол.
Суон норуоккар
Солбонуйар күнүгэр,
Суо дурда буол,
Хара норуоккар
Хаалар күнүгэр,
Халың хахха буол!
Саха айыы саңнаах
Санаатын астыннаран
Саргытын салай,
Дьокуут омук сордоох
Оло5ун толкуйдаан
Дьолун туругурт,
Үс дойду
Өйүн тумэн
Өрөгөйүн үрдэт!
То5ус улууhу тоторор
Кумалааннарын дурдата,
А5ыс улууhу аhатар
Араңнарын а5ата,
Сэттэ улууhу иитэр
Иринньэхтэрин ийэтэ буол!
Абааьы санаалаахха,
Түңнэри өйдөөххө,
Үөдэн сүрэхтээххэ
Хатан харахтан,
Хабараан майгылан,
Сытыы-кылыс тыллан!
Бардамы бахтат,
Дохсуну тохтот,
Көлдьүнү күөй!
Арыы үрдүгэр
Аара5ы дагдатыма,
Үчүгэй үрдүгэр
Мөкүнү көбүтүмэ,
Кырдьык үрдүгэр
Сымыйаны ытыарыма!
Төрөтөр о5он төлкөлөннүн,
Иитэр сүөҺүң күрүөлэннин,
Аан алаҺаң алгыстаннын!
Айыңат хаан айма5а
Аан-ийэ дайдыттан
Арахсыаххар диэри
Абырыы сырыттынннар,
Күн айыы улууҺа
Күн сириттэн
Күрэниэххэр диэри
Күрүө-хахха буоллуннар!
Киэргэллээх аатың
Кэнэ5эскигэ диэри,
Кэтит Сибиир
Киэлитин тохору,
Кэнчиэрэ ыччат
Кэпсээнигэр киириэхтин!
Үрдүк үтүө аатың
Үйэттэн үйэ5э диэри,
Үрүң күн анныгар
ӨҺүккэ-омукка
Үргүлдьү сүүрэн,
Өс хоҺоонугар киириэхтин...
Үгүс үөрүүлээх күннэн,
УҺун уруйдаах олохтон,
Салпат саргылаах саастан!