Саха Өрөспүүбүлүкэтин Төрүт Сокуонун Иккис түһүмэҕэ

ИККИС ТҮҺҮМЭХ

БЫСТАХ КЭМНЭЭХ БАЛАҺЫАННЬАЛАР

1 ыстатыйа

Судаарыстыба былааһын олохтоох талыллар уорганнара уонна улуустар (өрөспүүбүлүкэ таһымынан суолталаах куораттар) олохтоох дьаһалталарын баһылыктара бэйэлэрин боломуочуйаларын олохтоох салайыныы улуустааҕы (оройуоннааҕы), өрөспүүбүлүкэ таһымынан суолталаах куораттар уорганнара тэриллиэхтэригэр диэри толороллор.

2 ыстатыйа

Саха Өрөспүүбүлүкэтин Төрүт Сокуонун 78 ыстатыйатын 3 чааһын балаһыанньата Саха Өрөспүүбүлүкэтин Президенин быыбарын кэнниттэн күүһүгэр киирэр.

3 ыстатыйа

Саха Өрөспүүбүлүкэтин Төрүт Сокуонун 61, 62, 63 ыстатыйаларын балаһыанньалара саҥа ыҥырыылаах Ил Түмэн бастакы мунньаҕа саҕаламмыт түгэниттэн ыла күүстэригэр киирэллэр.

4 ыстатыйа

Саха Өрөспүүбүлүкэтин Төрүт сокуонун 55 ыстатыйатын 2 чааһын балаһыанньалара Саха Өрөспүүбүлүкэтин саҥа ыҥырыылаах Ил Түмэнин бар дьонун дьокутааттарын быыбардарыгар быыбардыыр хампаанньа саҕаламмыт түгэниттэн ыла күүстэригэр киирэллэр.

Саха Өрөспүүбүлүкэтин Президенэ В.ШТЫРОВ