Туора дьон хараҕар, мин (В. Потапова)

←Истэр этиэҥ, эт эрэ эн миэхэ (В. Потапова)

Сүрүн сирэй
(Хоһооннор)
[[|ааптар]]

Туора дьон хараҕар, мин
Тохтон хаалбыт туораахпын,
Хайа буор хара быйаҥар
Хантан түспүтүм — биллибэт...

Арай, бэйэм өйдүүбүн:
Туруорбах саха балаҕанын,
Күлүбүрүү умайар көмүлүөгү,
Толору күөстээх олгуйу
Уонна дьиэ чуумпу сылааһын...

Хаҥас диэки
Эмээхсин киһи иистэнэр —
Бүппэт ииһэ,
Уот диэки
Оҕонньор киһи уһанар —
Булдун тэрилин.

Биир эрбэйбит кыысчаан
Түннүгүнэн одуулуур,
Ыйдааҕы тулаайах оҕону
Ыҥырыан, оонньуон саныыр.
Бэлэхтиэн баҕарар тарааҕын,
Үрүҥ ынах оонньуурун,
Минньигэсчэй
Тайахчаан тылын,
Отонноох күөрчэҕи,
Ийэтин-аҕатын сороҕун...
Уонна дьиэтин сылааһын.