Туохтан
Сүдүрүүннээх санаалар,
Сүнньүм үүтүнэн сүрүннэнэн,
Сүрэхпэр сөңөр буоллулар?
Туохтан
Саппахтаах санаалар,
Санным үүтүнэн сааллан,
Санаабын саппа5ыттылар?...
Туохтан
Өһөхтөөх өйдөр,
Өттүгүм үүтүнэн үктэллэнэн,
Өйбүн өһөрдүлэр?...
Туохтан
Барбах майгылар,
Баспынан батарыта киирэн,
Баспын баттаатылар?...
Туохтан
Ыарахан санаалар,
Ыга анньан киирэн,
Ыар баттык буоллулар?...
Күннээ5и олох күөмчүтэ
Көй салгын буолан
Күлүктүү көттө5ө дуу?
Сүңкэн олох сүдүрүүнэ
Сүлүһүн буолан
Сүрэхпэр сөңнө5ө дуу?
Халың олох хапсыыра
Халык буолан
Харахпын сапта5а дуу?
Эбэтэр
Эрэй ба5айы илбиһэ
Этэр тыла суох буолан
Эппэр иңнэ5э дуу?
Миигин
Хаххалыыр хара санаа – халбарый,
Күлүктүүр күтүр санаа – күрэн,
Баттыыр балыыр санаа – бар,
Ынчыктыыр ыар санаа – ыһылын,
Санаар5атар саппах санаа – сай5ан.
