Ырыаһыта суох буолан дуу, хайдах дуу (В. Потапова)

Мин билигин суруйан (В. Потапова) Сүрүн сирэй
(Хоһооннор)
[[|ааптар]]
Истэр этиэҥ, эт эрэ эн миэхэ (В. Потапова)




                                                 Анегина Ильинаҕа
Ырыаһыта суох буолан дуу, хайдах дуу,
Ырыаһыттары олус диэн ытыктыыбын,
Дьүрүһүйэр куоластарыгар тэҥнэбили булбакка
Бүтэйдии таптыы кинилэри одуулуубун.
Мин санаабын өрүкүтэр, өрө күүрдэр
Сахалыы сыра саргыта буолбут биир куолас.
Кинини тэҥниэхпин баҕарабын киирбэт күн килбиэнигэр,
Аар тайҕам тайалҕаннаах суугунугар,
Улуу өрүһүм доллоһутар тойуктаах долгунугар,
Ахтылҕаны уһугуннарар алыптаах мичээр кистэлэҥэр.

Күнүүлээбэккэ таптыыбын киниэхэ чугастары,
Барыларыгар ымсыырабын кинини билэллэри,
Барыларын тэҥниибин күн аргыстара буолбут
Дьолунан умайар, дьолу санатар сулустарга.
Биир санаа арай миигин аймыыр —
Дьоллоох буолуо дуо кини бэйэтэ?
Суох, кини дьоллоох буолуохтаах дьолу бэлэхтииринэн!