Ийэ дойду чиэһин,
Кыайыы, көҥүл иһин
Кыргыһан охтубуттарга
Албан аат, норуот махтала!
Хинган халыҥ хапчаан,
Кырыы тааһын туораан,
Кыайбыттары өйдөтөрдүк,
Туругурда өйдөбүнньүк.
Тохтоо, ааһар киһи,
Ытыгылаа, биһи
Ыччат дьоммут уҥуохтарын,
Ахтан аас сырдык ааттарын!
Дойду, норуот туһар
Өһүөннэһэн туран,
Өлбүт герой өйгө тиллэр,
Охсуһууга өргөһүрдэр.
Ийэ дойду чиэһин,
Кыайыы, көҥүл иһин
Кыргыһан охтубуттарга
Албан аат, норуот махтала
