Өрдөөҥҥүтэ мин билбитим (В. Потапова)

Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]

Хап-хара кырдьаҕас куоска (В. Потапова)→

Өрдөөҥҥүтэ мин билбитим
Өндөл халлаан үрдүгүн,
Дабайан тахсыбыт үрүҥ күн
Суккуллар ыраас утахтара
Таптал сырдык тылларын
Сибигинийэр курдуктарын —
Сибэкки ол иһин тылларын.

Онтон ыла мин кэтэспитим, —
Сааскы харалдьык тахсыыта,
Сарыал сардаананан кыыһыыта, —
Бухатыыр мичээр кэһиитин
Бу өрө уунан кэлиитин.

Ол миччэр, итэҕэйэбин,
Бэлэхтиэ дьоҥҥо кэрэни —
Өрүү эйэҕэс сэбэрэни,
Уонна олох чысхаанын
Тулуйар чыҥыс хааны.

Дьоннор, мин көрдөһөбүн:
Дьоллоон дьону араарбакка!
Түгэҥҥэ да мунаарбакка!
Түҥэтиҥ эһи барҕатык
Сырдык мичээр баайгытын,
Оччоҕо, бука, кинилэртэн
Булуоххут таптал сибэккитин...