*** Ахтабын...(Алексей Суола)

Ахтабын…
Киэң үрүйэ долгуйа устарын,
Сыдьаайа көрөр күн уотугар
Күлүмнүү-дьиримнии оонньуурун.

Ахтабын…
Түптэ күөх буруота
Yрдүккэ унааран тахсарын,
Кус үөрэ күөлгэ түhэрин,
Куhуруу эргийэ көтөрүн.

Ахтабын…
Бороң куобах оҕото
Ойуурга мэнээктии сүүрэрин,
Көтөҕөтө түспүт тииттэр быыстарынан
Элэңнээн ааhарын…

Ахтабын…
Массыына барахсан
Уһун айантан сылайбыттыыы,
Тымныыттан бөтө бэрдэрбиттии
Бирилии-барылыы тыаhыырын.