Ийэ тыл (В. Потапова)

←Туора дойду уот халлааныгар (В. Потапова)

Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]

Ийэ тыл

Хас үйэ буолла хаһааммыппыт
Хаарыан бэйэлээх ийэ тылбытын?
Кэтит да кэми уҥуордааммыт
Илдьэ кэлбиппит кини талыытын.

Сахалыы туойан саатыыллара
Буор балаҕан үйэтин сахалара,
Эҥээрийэн ырыа саҕыллара,
Дьиэ иһэ ырыанан туолара.

Саҥа олох дьикти саргытын
Саха доллоһута туойбута,
Эргэ олох эстэн барбытын
Эмиэ иэйэн хоһуйбута.

Кыра бэйэбит улааппыппыт,
Ийэбит үүтүн эмэммит —
Алаас буоругар андаҕайбыппыт
“Ийэ тылбытын таптыахпыт” дэһэммит.