Эйиигин көрүүм да мин -
Элбэҕи-элбэҕи эргитэ саныыбын.
Эдэр-истиҥ иэйиилэрим
Эргиллибэт сааскыларын күөх төлөннөрө
Эһиэкэйдиир курдуктар
Мин сүрэҕим тэбиитин эрчимигэр.
Эйиигин көрүүм да мин -
Эмиэ-эмиэ эйэҕэс буолабын.
Хаһан эрэ харысхала суох
Хагдарыппыт хаарыан сибэккилэрим
Дьөрбөлөрө тиллэн, киэргэйэн кэлэллэр.
Эйиигин көрүүм да мин -
Эрбэьин саҕабын умнабын.
Ахтар-саныыр алааһым тула суугунуур
Аар тайҕам тойугун үтүктэр туһугар
Ырыа умсулҕаныгар күөлэһийэбин.
Эйиигин көрүүм да мин -
Мин баҕарабын эйиэхэ:
Кубулҕата суох доҕору,
Куттаһа суох өстөөҕү,
Хаардаах кыһыны,
Самыырдыых сайыны...
Мин бэйэбэр баҕарабын:
Эн эйэҕэс мичээргин,
Эн чэгиэн көрүҥҥүн,
Эн сылаас сыһыаҥҥын,
Эн эрэ эрэйи билимиэххин,
Эн эрэ миигин эрэниэххин,
Эн эрэ миигин кэтэһиэххин,
Эн эрэ миигин итэҕэйиэххин
Уонна, уонна...
Оо, эйиигиттэн эрэ кэлэйимиэхпин.
| 